NuboDrive
As túas fotos e ficheiros nunha nube privada, á man desde calquera dispositivo.
- iPhone e iPad
- Android
- Mac
- Windows moi pronto
A nube privada do teu operador.
Garda as túas fotos, navega con protección e viaxa con datos: dúas aplicacións sobre a rede do teu operador.
Descarga as túas aplicacións
Son de balde. Para usalas precisas a alta do teu operador.
NuboProtect
VPN, navegador privado e protección contra webs maliciosas. E para viaxar, unha eSIM que queda no teu móbil: cargas datos desde a aplicación e vai na factura do teu operador.
- Pide a alta ao teu operadorChégache un correo cos teus datos e un código QR.
- Instala a aplicaciónNo móbil, na tableta ou no ordenador.
- Escanea o códigoA aplicación configúrase soa, sen escribir nada.
Sen nada que agochar
Os teus ficheiros viven en Nextcloud, a nube de código aberto. A aplicación chega a eles por unha VPN privada do teu operador.
- A conexión vai cifrada do teu dispositivo á rede do teu operador.
- Os teus datos están na infraestrutura do teu operador.
- Sen contas en nubes de terceiros.
- O teu dispositivocoa aplicación
- VPN privadado teu operador
- A túa nubeen Nextcloud
Preguntas frecuentes
Se a túa non está, pregunta ao teu operador: é quen leva a túa conta.
Que é NuboLink?
Un servizo que che ofrece o teu operador de internet: unha nube privada para as túas fotos e ficheiros (NuboDrive) e, nunha soa aplicación, protección ao navegar e eSIM con datos para viaxar (NuboProtect).
Como o contrato?
A través do teu operador de internet. NuboLink non se vende directamente ao público: se o teu operador o ofrece, dáche de alta e envíache os datos de acceso por correo.
Canto custa?
As aplicacións descárganse de balde. O prezo do servizo pono o teu operador e cóbracho na factura de sempre.
Como activo as aplicacións?
Instala a aplicación e escanea con ela o código QR do teu correo de benvida: configúrase soa. O código vale 30 días e serve para todos os teus dispositivos. Tamén podes entrar co teu usuario e o teu contrasinal.
Onde se gardan os meus ficheiros?
Nun servidor Nextcloud do teu operador. A aplicación chega a el por unha VPN privada, así que os teus ficheiros non pasan por nubes de terceiros.
En que dispositivos funciona?
NuboDrive, en iPhone, iPad, Android e Mac. NuboProtect, en iPhone, iPad, Android e Mac.
Esquecín o contrasinal
Pídelle ao teu operador que che envíe a ligazón para cambialo. Chégache ao correo e caduca ao cabo dunha hora.
Cambiei de móbil
Instala a aplicación no novo e volve escanear o código do teu correo de benvida. Se xa caducou, o teu operador reenvíacho.
Como funciona a eSIM de NuboProtect?
Escolles un plan de datos para o teu destino, instalas a eSIM cun código e conéctaste ao chegar. Cando se acaban os datos podes recargar a mesma eSIM, sen instalar outra.
Quen me axuda se algo falla?
O teu operador. É quen che deu de alta e quen pode ver que pasa coa túa conta.
Dálles aos teus abonados unha razón para quedar.
NuboLink é un servizo exclusivo para ISP e WISP: nube privada, protección e eSIM de viaxe coa túa marca, sobre a túa propia rede.
- Clientes que quedan
- Quen garda as súas fotos e os seus ficheiros na túa nube pénsao antes de cambiar de operador.
- Algo máis que megas
- Engade nube privada e protección ás túas tarifas e deixa de competir só por prezo.
- Ingresos cando viaxan
- Unha eSIM que queda no móbil e se recarga con datos en máis de 190 países. O cliente faino só desde NuboProtect, ti pos a marxe e vai na túa factura. As empresas valórana para os seus equipos.
- A túa rede e a túa marca
- Os datos quedan na túa infraestrutura, tras a túa VPN, e as aplicacións levan o teu nome. Altas, cobros e soporte, desde un panel.
Pide información
Contámosche como funciona e como poñelo en marcha na túa rede.
Xa es operador? Acceso operadores